Wednesday, March 12, 2025

Palawan pala'y inaangkin na ng Tsina?

PALAWAN PALA'Y INAANGKIN NA NG TSINA?

nabasa ko lang sa pahayagan kanina
Palawan pala'y inaangkin na ng Tsina?
akala ko ang Tsina'y Oso, iba pala
tulad na ba sila ng bundat na buwaya?

dahil ba may langis sa isla ng Palawan?
sinong magtatanggol sa islang anong yaman?
ang mga dukha? Pilipinong makabayan?
o kapitalistang limpak ang pakinabang?

sinong nasa Palawan? anong mga tribu?
may Intsik ba roong gubat na'y kinakalbo?
nagprotesta'y may panawagang nabasa ko:
igalang ang international maritime law!

marahil nga't wasto lamang ang maghimagsik
kung sariling lupa'y inaagaw ng Intsik
laban sa pananakop nila't paghahasik
upang kunin ang lupa ng bayang tahimik

- gregoriovbituinjr.
03.12.2025

* ulat mula sa pahayagang Bulgar, Marso 12, 2025, p.2

No comments:

Post a Comment

Tiyuhin pa ang nanggahasa

TIYUHIN PA ANG NANGGAHASA di lang libog kundi mental problem? kaya ni-reyp ang tatlong pamangkin o marahil nakadroga man din sa bawal na gam...