SALÀ NG INA
ano kayang klase siyang ina?
na binugaw ang apat na anak
na edad dalawa, apat, anim
at panganay na labingdalawa
paglabag na iyon sa OSAEC
o batas na Online Sexual Abuse
and Exploitation of Children, bakit
niya nagawa'y salang kaylupit
sadyang kawawa ang mga bata
sa nakagugulat na balita
sa hirap ng buhay, ang nagawa
ng ina'y krimen, kaytinding salà
paano pag anak na'y lumaki?
sila kaya sa ina'y kakampi?
ang ina ba nila'y masisisi?
o salang ito'y isasantabi
- gregoriovbituinjr.
11.10.2024
* ulat mula sa pahayagang Bulgar, 11.10.2024, p.2
No comments:
Post a Comment