ANG TATAK SA POLOSHIRT
"Nagkakaisang Lakas"
ay "Tagumpay ng Lahat!"
sa poloshirt ay tatak
ito'y nakagaganyak
upang ako'y kumilos
kahit madalas kapos
sa buhay na hikahos
naghahandang makalos
ang bulok na sistema
habang inaasam na'y
panlipunang hustisya
para sa aping masa
gabay na't inspirasyon
sa pagkilos ko't layon
ang natatak na iyon
upang tupdin ang misyon
- gregoriovbituinjr.
07.05.2024
* litratong kuha ng makatang gala sa pagkilos tungong Mendiola, 06.12.24
No comments:
Post a Comment