Buwis

BUWIS

kung iyang buwis ng bayan

magamit sa kagalingan

ng mga kababaihan

aba'y sadyang ayos iyan

paano ang double burden

na kaytagal nang usapin

ang reproductive health pa rin

ay paano sasagutin

dinggin ang kanilang hiyaw

"Make taxes work for women" daw

na kapag iyong nanilay

ay makabuluhang tunay

ang "Make taxes work for women"

ay mahalagang usapin

panawagang dapat dinggin

ng pamahalaan natin

sa plakard, iyon ang tangan

ni Ka Leody de Guzman

ating kandidato naman

bilang Pangulo ng bayan

dinggin ang hiling at sabi

buwis - gamiting mabuti

wasto, sapat at maigi

para sa mga babae

- gregoriovbituinjr.

03.27.2022

- litratong kuha ng makatang gala noong Araw ng Kababaihan