Sunday, August 22, 2021

Pighati

PIGHATI

di ko sukat akalain ang pighating nadama
ng inang lumuha dahil sa kawalang hustisya
aba'y paano pa kaya kung aktwal kong nakita
ang karumal-dumal na krimeng matutulala ka

pinupuntirya na ba nito'y ating katinuan
na maging katarungan ay di na pinapanigan
lalo't mga pagpaslang na'y dulot ng kabaliwan
pumapaslang alang-alang daw sa kapayapaan

imbes na sa katarungan at karapatang pantao
nakatutok ang rehimeng dapat nagseserbisyo
sa mga pagpaslang na umabot ng libu-libo
di na dumaan sa proseso o due process of law

hustisyang nakapiring kaya'y anong itutugon
sa nangyayaring karahasan sa ating panahon
katarungang hanap ay huwag sanang maibaon
sa limot o sa libingang nasa dako pa roon

- gregoriovbituinjr.
08.23.2021

No comments:

Post a Comment

Panimdim

PANIMDIM kaysakit sa dibdib, di siya maiburol pagkat di pa buo ang bayad sa ospital sa ganito nilang sistema, ako'y tutol dalawang araw ...