ISANG TULA SA BUWAN NG WIKA
pinagtanggol na ni Asedillo ang sariling wika
bago pa si Quezon maging Ama ng Wikang Pambansa
kung propagandista'y Espanyol ang ginamit na wika
sa mga Katipunero'y tampok ang ating salita
bilang makata, tinitingala ko silang idolo
upang payabungin pa't paunlarin ang wikang ito
ang makita sa U.P. Diksiyonaryong Filipino'y
ginagamit ko sa tula't binabahagi sa tao
tayo ang bansang sinasalita ang wikang sarili
ngunit pagdating sa dokumento'y isinasantabi
pawang nakasulat sa Ingles, tayo mismo ang saksi
kahit na sa ating batas, sa Ingles tayo nawili
di rin natin ginagamit ang katutubong baybayin
o magtatag ng pahayagang baybayin ang sulatin
mga akda man ng bayani'y sa baybayin limbagin
na paraan din upang sariling wika'y paunlarin
kaya ngayong Buwan ng Wika'y muling pahalagahan
ang mga tagapagtanggol ng wika ng sambayanan
bayani ng wikang sarili'y halina't pagpugayan
habang pinauunlad din natin ito ng tuluyan
- gregoriovbituinjr.
08.06.2021
Subscribe to:
Post Comments (Atom)
Paligsahan na ba ang paghuli ng kriminal?
PALIGSAHAN NA BA ANG PAGHULI NG KRIMINAL? paramihan na raw ng huli ng kriminal, sa ulat sabi ng bagong tinalagang hepe o namumuno sa PNP su...

-
PAGDALAW SA MGA BILANGGONG PULITIKAL sumama kami tungong bilibid binisita ang mga kapatid at kasamang doon nangabulid pamaskong handog ang i...
-
MAKIISA SA LABAN NG TSUPER NG UP COMMUNITY upang magpagawa ng dyaryong Taliba'y nagtungong UP mula Cubao-Philcoa, sumakay ng dyip biyahe...
-
18-DAYS CAMPAIGN ON WOMEN AND SOCIAL JUSTICE Maikling sanaysay at tula ni Gregorio V. Bituin Jr. Nilagdaan ni dating Pangulong Gloria Macapa...
No comments:
Post a Comment