HAKA SA ISANG SPIDERMAN
nakakita na naman
ng isang Spiderman
sapantaha ko lamang
baka akyat-bahay gang
buti't wala pang krimen
di pa siya salarin
anong daling pasukin
buti't bantay ko pa rin
mababa lang ang pader
makukuha'y kompyuter
kaya mag-ingat, aber
dahil baka ma-murder
ako'y nagpakita nga
nagluto sa kusina
buti na'ng laging handa
anuman ang magbadya
kaya laging mag-ingat
mahirap makalingat
lalo't baka masilat
sa aktong di masukat
- gregoriovbituinjr
No comments:
Post a Comment